Shefqet Cakiqi

E gjithë lufta me përmasat e saj u reflektua edhe me luftën speciale. Lufta speciale nuk është ndonjë luft me mjete speciale, po luftë me mjete më banale. Përhapja e gënjeshtrave, dyshimeve, përqarjeve, mbjellja e dëshprimit te shqiptarët, defetizmit dhe humbjes, është i tër arsenali i sajë. Kjo luftë fatkeqësisht u reflektua edhe në disa segmente në mjete të informimit në gjuhën shqipe dhe te disa pseudo veprimtar në Zvicër. Do të komentoi vetëm disa nga më banalet dhe më të tejdukshmet. Personat që i kanë bërë këto veprime përfaqësojn llumin e LDK- së. Personalisht duke qenë viktim e okupatorit serb do të kujdesem që familjarët dhe fëmijt e tyre të i njoftoi me këto veprimtari të tyre, në mërgatë dhe në Kosovë. Duke ditur përmasat e mëdha të luftës dhe fuqin propagandistike të Shkieve, këto tendenca i quajta dromca se faktikisht nuk kanë pasur mundësi të realizimit të tyre sepse gjithkund kanë hasur në demaskim. Fatmirsisht ky është edhe ai kulmi i asaj lufte speciale. Më banale dhe më të tejdukshme më heret nuk kam hasur as në mjetet e informimit e as nga bataku i thash e thanave, që edhe janë vendi ku lulëzon kjo luftë e ndytë që quhet speciale. Po filloi me shembuj konkret, citime të fjalëve konkrete të cilat janë të shënuara ose të regjistruara. "Politika mafioze e Lindjes ka lëshuar rrënjët edhe mbi shqiptarët. Ideologjia mafioze komuniste nuk shkon në dobi të shqiptarve e aq më paknë dobi të Kosovës. Kjo logjikë nuk ka as rregulla shtetformuese dhe nuk din të rrespektoi të drejtat elementare njerzore. Tash në këtë situatë shtrohet obligim për ne a të mbesim nën ndikimin mafioz komunist me shtetin tonë qoft i bashkuar nëpër konfederata a pankonfederata ballkanike apo të orjentohemi përfundimisht nga Europa nga Amerika" - kështu deklaron në Buks të St. Galenit në Zvicër Hajrullah Shatri ish oficer i Armatës Popullore të Jugosllavisë , tani antar i Kryesisë së Degës së LDK-së në Zvicër, "Rilindja" 25. maj 1999 f. 7 . Deklarata e Hajrullah Shatrit është e shkolluar dhe e koordinuar me propagandën serbe se prapa UÇK-së është politika mafioze e Lindjes. Në shiqim të parë të duket se ai me Lindje mendon bllokun e Lindjes dhe Paktin e Varshavës gjegjësisht kampin e vendeve Socialiste. Lexuesit naiv atje i shkon mendja. Po kampi i shteteve Socialiste më nuk ekziston dhe nuk ekziston as në vet Rusin as në Lindje. Mafia e Lindjes sot ka sinonim terroristin Bin Ladenin të cilin edhe serbia e akuzon se ndihmon UÇK-në dhe ka bazat në Shqipërin Veriore. Këtu komunizmi mund të lidhet vetëm me Gadafin dhe ideologjin e tij dhe mafin e tij në mbështetje të terrorizmit ndërkombëtzar, po çka të i bëjsh që Gadafi është po ashtu si Hajrullah Shatri, ish oficer i Armatës Popullore të Jugosllavisë dhe në luftën e Bosnjës dhe luftën në Kosovë ai ka qenë në anën e Millosheviqit. Qëllimi i deklarimit të tillë të H.Sh. si ish oficer i APJ-së dhe tash si antar i Kryesisë së Degës së LDK-së është të vërtetoj tezat Serbe se luftën në Kosovë dhe UÇK-në e financon mafia dhe "politika mafioze e Lindjes" që sot nënkuptohet mafia dhe terroristi Bin Laden. Dhe sipas kësaj propagande në Kosovë nuk ka dhe nuk ka pasur arsye të luftohet etj. Këtë ai e bënë në mënyrë mjeshtrore se duket se ka një shkollë pak a shum të dresuar. Sepse shqiptarët me lexim rutinor ose dëgjim rutinor mendojn se ai aludon në socialistët (e Lindjes po ku jan ata???) dhe se ai është demokrat !!!! Ku ka demokraci te ish oficerët Jugosllavë të cilët janë edukuar me tharmin më ekstrem komunist dhe pansllavist të Jugosllavizmit. "Një luftar në Dukagjin nga granata është plaguar aqë shum sa ju ka shkyer barku dhe gjoksi, ai me dor të veten mushkrit i ka shti brenda trupit nga qarja e barkut dhe gjoksit. Disa bashluftar që ju kanë gjetur pran, kur ky ju ka lypur ndihëm ata ju kanë përgjegjur se nëse e then dhe e shkelë fotografin e Ibrahim Rugovës ta shpëtojm jetën- dmth ja kushtëzojn shpëtimin e jetës me thyerjen e fotografisë së Ibrahim Rugovës." (Kështu jepte informacione për situatën në Kosovë Jusuf Demaj antar i kryesisë së degës së LDK-së në Zvicër në tubimin e nëndegës së LDK-së në Goldau 7 maj 1999. në të cilin tubim isha personalisht dha kam reaguar aty për aty duke shprehur mosbesim dhe duke sygjeruar antarin e Kryesisë se punën që e bënte ishte punë e dëmëshme) Qëllimi i tubimit ishte mobilizimi i bashkatdhetarve në ndihëm të luftës së popullit të Kosovës për ekzistencë. Në tubim merrnin pjesë mbi 100 bashkatdhetar. As nga ana mjeksore as nga ana teorike deklarimi i tillë i Jusuf Demës nuk është i vërtetë. Njeriu i cili ka të shkyer barkun dhe gjoksin së paku është i alivanosur. Në këtë gjendje ai nuk ka mundësi që me dorë të vet të shtij mushkërit në gjoks e as të flas dhe të kërkoj ndihëm. Në front apo kudo që ka ndodhur si u bë të gjindej fotografia e Ibrahim Rugovës (dhe atë në kornizë, pasi që duhej të thyhej) dhe personi i plagosur me aso plage të kërcnohej se do të i shpërtohej jeta vetëm nëse e then dhe e shkelë atë !! Qëllimi i vërtet i Jusuf Demës : përhapja e informacioneve të rreme se në front të luftës kundër Serbisë ka aso përqarje sa edhe e mbysin njeri tjetrin, dhe keni kujdes mos u nisni vullnetar për të ndihmuar UÇK-në. Dobësimi i vullnetit për luftë dhe shkaktimi i dëshprimit ndër bashkatdhetar.

Rasti tjetër : "-Hashim Thaqi nëse vazhdon kështu mund ta siguron një vend në gjyqin e Hagës" - thekson Nazmi Peci antar i kryesisë së Degës së LDK-së në Zvicër në një tubim me bashkatdhetar në Buks të Zvicrës, "Rilindja" 25. maji 1999 f. 7... Në kohën kur e gjith bashkësia ndërkomëtare është e bindur se për gjyqin e Hagës dhe kriminel i luftës edhe në Kroaci edhe në Bosnjë dhe tash në Kosovë është Sllobodan Millosheviqi dhe bashkpuntorët e tij , del Nazmi Peci në emër të LDK-së Dega në Zvicër dhe dëshmon përpara opinjonit publik dhe në shtyp se Hashim Thaqi bën veprime të cilat do ta dërgojn në gjyqin e Hagës. Edhe kjo tendencë shum e gjveshur për të vërtetuar akuzat Serbe (Hashim Thaqi është i denuar dhe me fletarrestim nga organet Serbe) se UÇK-ja ka bër dhe bënë krime duke inskenuar Kleqkën, Gllogjanin etj. Nazmi Peci është aq naiv dhe e bënë punën aq jo profesionalisht që edhe i marri e kupton prapaskenën e dyshimt të tij. Ky i gjori nuk din të i kamufloi si oficeri i APJ-së Hajrullah Shatri. Gjyqi i Hagës do të merret me kriminelët serb të cilët bën masakrën e Prekazit, Obrisë, Likoshanit,Reqakut, Izbicës, Koliqit ..... po a mundet njeriu të i përmendë vetëm në një faqe të gjitha krimet serbe kundër njerzimit. Tendenca e tillë që publikisht në tubime dhe në mjete të informimit për të dëshmuar se edhe nga pala shqiptare në Kosovë kemi për gjyqin e Hagës është bërja e punës së shkaut për relativizimin e krimeve dhe kriminelëve Serb. As Hashim Thaqi as UÇK-ja nuk kan vrarë kurrë civil. Njeriu që qysh nga viti 1988 është i angazhuar në procesin e formimit të Republikës së Kosovës dhe çlirimit të saj duke vepruar me dëshmorët Afrim Zhitia dhe Fahri Fazliu e deri te Heroi Adem Jashari meriton respekt pavarsisht botkuptimeve dhe mendimeve politike që mund ndokush të i ketë të kundërta me te. Nuk ësht në pyetje as karriera dhe përfitimi materjal, ai ka pasur të rregulluar strehimin politik në Zvicër; edhe po të bëhej kryetar i Shqipërisë apo Kosovës nuk do të kishte benificionet 4000 Fr në muaj me jetes të siguruar dhe standard bashkohor. Ai ka sakrifikuar aq shum sa dikush vetëm po të i mendonte do të rrënqethej. UÇK-ja është formuar si njëra nga ushtritë më origjinale dhe me vështërsi që asnjë ushtri çlirimtare në botë nuk i ka pasur peripetit e saja. Kujtoni vetëm bartjen e armëve në krah dhe me kuaj bjeshkëve dhe kalimin e sa pritave e sa fushave të minuara dhe ai armatim ka mbrri deri në skajet më të largëta të Kosovës në Drenicë, Shalë, Llap etj. Sa janë vrarë në kufi e pusi të ndryshme. Ajo është një ushtri titanike vlerat e së cilës populli do të i vlersoi në vazhdimësi, sado që të kaloj koha, vlera e saj rritet me proporcion gjeometrik. Më tutje: "Këto përqarje zënë fill në Tiranë, dhe janë të inicuara nga qeveria komuniste e atjeshme e cila ka gjetur një grusht ksovarësh me të cilët po manipulon për të shkaktuar kaosin serioz në shkallë kombëtare" - Sallah Jonuzi antar i Kryesisë së Degës së LDK-së në Zvicër, "Rilindja" 25. maji 1999 f.7.. Në po atë nivel naiviteti bjen edhe Sallah Jonuzi. Ai me këtë deklarat mundohet të vërtetoj tezën Serbe se lufta në Kosovë drejtohet nga një grup kosovarësh nga Hotelet e Tiranës dhe se në Kosovë nuk ka arsye të vërtet për luftë çlirimtare po ata janë të manipuluar nga stalinistët shqiptar. Akuza Serbe të bajatisura. Serbia gjithmon është munduar që luftës së popullit të Kosovës të ja mvesh ose petkun e Stalinizmit ose petkun e Fundamentalizmit të Iranit ose Bin Ladenit (të Lindjes). Edhe puna e Sallah Jonuzit nuk ësht aspak e kamufluar po shum transparente e gjveshur dhe naive. Më tutje: "Në demostratën që do të organizohet në Bern të Zvicrës në shtator të vitit 1998 të organizuar nga Dega e LDK-së nuk guxon të ketë brohoritje dhe parolla për UÇK-në" mbledhja e Kryesisë së Zgjeruar e Degës së LDK-së mbajtur në Zug- deklaruan dhe e përkrahën Nazmi Peci, Hysen Gërvalla, Sallah Jonuzi, Hajrullah Shatri, Jusuf Demaj etj. Kjo bëhet pasi UÇK-ja veq kishte bërë kontakte me personalitete dhe diplomat të kalibrit botror si me Holbrukun në Junik ashtu edhe me Gelbardin në Zvicër. Ishte periudha kur UÇK-ja fitonte legalitetin dhe legjitimitetin e saj si mbrojtëse e liris dhe popullit të Kosovës. E gjith Kosova mbështeste UÇK-në. Me legjitimimin e UÇK-së nga faktori ndërkombëtar legjitimohej edhe drejtësia e luftës së saj dhe e drejta e popullit të Kosovës për vetmbrojtje dhe çlirim. Ishin këta hapat e parë që UÇK-ja të llogaritej si faktor i rëndësishëm në bisedimet për zgjidhjen e çështjes së Kosovës. Tentimi që në protestën e Bernit të mos brohoritej për UÇK-në ishte pikërisht për çëllim që faktori ndërkombtar të kuptoj se ja populli i Kosovës vet nuk e mbështet UÇK-në dhe e cilson si ekstremiste dhe për këtë arsye ajo nuk bënë të legjitimohet dhe legalizohet nga faktori ndërkombëtar. Është shum interesante se edhe këtu dalin emra të njejtë me porosi të njejtë. Më tutje: "Kemi në evidencë 80 bashkatdhetarëve që punojn dhe jetojn në Zvicër se gjat qëndrimit në pushime në vendlindje në Kosovë UÇK-ja ua ka konfiskuar pasaportat dhe i ka denuar që të paguajn nga 2000 Franga Zvicerane " nga mbledhja e Kryesisë së Degës së LDK-së e publikuar edhe në shtyp. I njejti konstatim dhe dyshim kishte po të njejtin qëllim denigrimin e UÇK-së përpara se ajo të fitonte legalitetin dhe legjitimitetin nga diplomacia ndërkombëtare. Po të ishte e vërtet se 80 personave u janë marrë pasaportat dhe janë plaqkitur nga 2000 franga do të kishin reaguar edhe Komiteti i Helsinkit edhe Amnesti Internacionale e do të vinte puna deri te gjyqi i Hagës. Më tutje: "Ku ka më turp për një popull dymilionësh siç është Kosova, shef i shtatmadhërisë ushtarake (UÇK-së) t`i bëhet një futbollist. Prandaj luftën me Serbin UÇK-ja e ka humbur sepse atë që e ka synuar Serbia e ka realizuar. " thekson Fadil Kajtazi në tubimin e LDK-së nëndega e Thurgaut e botuar edhe në "Rilindja" të 12. majit 1999. Edhe një deklarim shum naiv dhe shum transparent pa u munduar fare ta mshef simpatin që ka për Serbin dhe urrejtjen që ka ndaj UÇK-së. Një shef i shtatëmadhoris mund të jetë edhe futbollist edhe tenist edhe karatist i mirë aty nuk ka asgjë të keqe. Kosova dhe vendi nuk duhen me "zanat" dhe "shkollë" apo "dresim në APJ", po duhet me zemër, guxim e trimëri. UÇK-ja nuk e ka humbur luftën me Serbin dhe nuk do ta humbë kurrë. Në Kosovë është punuar dhe luftuar kundër Serbis dhe Jugosllavisë edhe kuar ajo i ka pasur mbi 20 milion banor edhe atëher kur askush nuk ka ëndërruar se ajo do të bombardohet nga NATO-ja. Më tutje: "Z. Ruzhdi Pacolli kërkoi që nga ky tubim të dërgohet një telegram me rastin e vrasjes misterioze të akademik Fehmi Agani"!!! -theksuar në tubimin e LDK-së nëndega e Thurgaut e botuar edhe në "Rilindja" të 12. majit 1999. Kjo thënje dëshiron të vërtetoj propagandën serbe se Akademik Fehmi Aganin e kanë vrar shqiptarët- gjegjësisht UÇK-ja, prandaj e quajn "vrasje misterioze" një vrasje klasike Serbe e dëshmuar shumëfish, nga "veprimtar" të LDK-së dega në Zvicër quhet misterioze dmth. e pa sqaruar dhe me motive të panjohura !!! Po dihet që Akademik Fehmi Agani është ndër intelektualët e parë që përkrahën kërkesën e popullit të Kosovës për Republikën dhe Pavarsin, krahas Ali Hadrit, Ukshin Hotit, e intelektualë të tjerë që u burgosën, u diferencuan, u larguan nga proceset edukative dhe u larguanngan nga puna. Akademik Fehmi Agani është ndër disidentët e vendosur të kundërshtimit të komunizmit Jugosllav në Kosovë. Fatkeqësisht sot persona të caktuar punojn dhe përhapin të pavërteta për të përçar shqiptarët dhe për të zvogluar krimet e Shkieve ndaj shqiptarve !!!

Ku na mbet mafia komuniste Jugosllave që i detyronte shqiptarët të ndrronin kombësin dhe të bëheshin "Jugosllav" duke vazhduar me shembujt e vet personal si Ali Shukria , Azem Vllasi, Sinan Hasani , Kolë Shiroka e compania e tyre, e gazetarucat e gazetat në gjuhën shqipe që prodhoheshin nga zyrat e Komiteteve Komuniste Komunale, Krahinore, Republikane dhe Federative. Ku na mbetën kumbarët e shkieve e të vllaznim bashkimit të leqitësve dhe të diferencuesve ideopolitik. Ata që ishin në bishtin e kësaj politike që dikur krenoheshin se ishin të tillë, sot bëjn luftën denigruese dhe përqarëse për të mbuluar turpet e tyre. Kjo ësht njëra ndër tendencat për të futur përqarjen në mes të gjeneratave. Gjenerata e vitit 1990 u këndell nga ideologjia komuniste jugosllave, nga iluzioni i vllazrim bashkimit me serbët, nga iluzioni i krijimit të kombit socialist dhe patriotizmit Jugosllav, luftarëve të nacionalizmit dhe irridentizmit shqiptar, diferencues leqitës e ndytësira të tjera. Sa u gëzuam që shum intelektual shkrimtar e gazetar shqiptar më nuk e mbështetnin politikën e vllaznim bashkimit, nuk e mbështetnin patriotizmin Jugosllav, nuk e luftonin nacionalizmin dhe irredentizmin shqiptar, po përfundimisht ishin kthyer nga populli i vet dhe kërkesat dhe angazhimet e tij për Repblikën e Kosovës. Fjala Kosova Republikë tash thuhej lirisht pa droje, nuk ruheshin shkollat dhe objektet tjera shqiptare se mos nacionalistat po shpërndanin ndonjë pamflet apo mos po shkrauanin ndonjë parullë "armiqësore dhe kundërrevolucionare". Në vitin 1990 u bë pajtimi ndërë shqiptar, kur të gjith u deklaruan se jan për Republikën e Kosovës. Në zhargonin aktual politik dhe të mjeteve aktuale të informimit shpesh viti 1990 merret si vit i okupimit të Kosovës, dhe kur fillojn të përmendin dhunën dhe terrorin e komunizmit Jugosllav fillojn të numrohen krimet nga viti 1990. Këtu fillojn të përmenden suspendimet, largimet nga puna, shuarja e institucioneve etj. etj. Pastaj si me ndrojtje diku më von apo në raste të veçanta përmendet periudha e Rankoviqit dhe dhuna e pas Luftës së Dytë Botërore siç jan maskra e Tivarit, masakra e Sremit , Drenicës, Gjilanit etj. Këtu ju humb koncepti dhe rrjedhshmëria e fakteve. Nëse ndonjëher përmenden krimet dhe gjenocidi ndaj shqiptarve nëse përmendet Naçertanija e Ilija Garashaninit, Elaboratet e Vasa Çubrillovicit dhe Ivo Andricit masakrat e Tivarit etj ... periudha e Rankovicit, periudha e dënimit të kundërrevolucionit në Kosovë gjat vitit 1981-1989 dhe pas të gjitha këtyre thuhet se Kosova u okupua në vitin 1990 bëhet gabim trashanik (apo i qëllimt). Kjo bëhet nga pjesa e atyre politikanve apo gazetarve të koridoreve të Komiteteve Komuniste të cilët në njerën ose mënyrën tjetër kanë qenë të implikuar në politikën e periudhës së cekur më lart. Dënimi dhe denoncimi i asaj politike do të ishte veprim më i mirë se sa tendenca për mbulimin e saj, heshtja e asaj politike ua rëndon biografin se faktet nuk mund të ndryshohen dhe historia nuk fillon as me 1990 e me fillimin e këndelljes së tyre kombëtare dhe shkëputjes nga ideologjia komuniste dhe ideologjia pansllaviste por fillon më heret dhe ka një kronologji të rrjedhëshme të rezistencës shqiptare për liri dhe pavarsi.

LARTË