Shefqet Cakiqi

Reagim në shkrimet e Shefqet Jashari - Strofci me titull "Pse jemi kështu siç jemi?" të botuara në gazetën "Bota Sot" në fundmuajin e majit 2001

Shkrimet me porosi që i bënë Shefqet Jashari - Strofci, janë sikur ajo puna e këngëve me "kutlla gruri" që u paguhej këngëtarëve më heret për të qitur në këngë "heroizmat" e dikujt. Nuk do të ja vlente të merret njeriu me te por për hirë të informimit të opinjonit të pa informuar, duhet disa gjëra të sqarohen. Një të vërtetë që në fillim më duhet të potencoj; Shefqet Jashari - Strofci deri pas luftës nuk ka qenë antar i LDK-së dhe nuk e ka paguar 3%, këtë e them me përgjegjësi se në atë periudhë vet isha antar i Kryesisë së Degës LDK-së në Zvicër dhe antar i Komisionit të 3% në Zvicër, fakte këto që i kam të njohura personalisht. Këto fakte u potencuan për të shprehur dëshminë se në rastin e tij nuk është fjala se mbronë diçka që e njeh dhe ka bashkvepruar atje, por është fjala për shkrime të porositura. Për ta parë edhe opinjoni se ku dhe çfar shkruante Shefqet Jashari-Strofci para lufte, do të citoj shkrime dhe intervista të tij në revistën "Drita" që botohet në Suedi. Në shkrimin "Veprimtaria e partive tona politike" të botuar në Revistën "Drita" Nr. 14, në vitin 1997 ai me sarkazëm shkruante: " të premten e parë të muajit shtator të këtij viti, i dalldisur dhe i qefuar nga meza e shijshme dhe visku irlandez ju drejtua të pranishmëve me një tonë të lartë dhe autoritativ se Pavarsia e Kosovës shtet i pavarur dhe neutral i lidhur me këmbë të djatht me Shqipërin e me këmbën e majt me Serbin u sigurua!! Kjo fitore e madhe u arrit në saje të punës këmbëngulëse të magjistarëve më në zë të Kosovës....."(Shefqet Jashari-Strofci) !!! Tash kjo puna e Shefqet Jasharit - Strofci që me çdo kusht ta bëjë ndryshimin e historisë së luftës së UÇK-së dhe fillet e saja nga Drenica të i zhvendosë në periferi të disa fshatrave të Deçanit ose më mirë me thënë në mahall të Tahir Zemës, është punë me "kutlla gruri". Ëeshtë e drejtë e tij, por të mos mendoj se publiku shqiptar mund të mashtrohet aq lehtë nga "këngët" e porositura nga specagjinjët e pasur të Dukagjinit, duke menduar se munden ta përvetësojn trimërin dhe sakrificën e Drenicës që është piemont i rrezistencës shqipëtare në përgjithësi. Apsurdet e tij fillojn në fillim me hymnet dhe lavdet për gazetën që ja boton shkrimet, e ajo është "Bota sot" që në çdo moment veten e quan "kombëtare", e gjora më së shumti vuan nga mungesa e kombtarizmit dhe pikrisht këtu e ka atë kompleksin që në çdo moment shminkatet si kombëtare. Ajo po të ishte vërtetë kombëtare nuk do të thoshte fare se çfare është sepse vet përmbajtja do të tregonte!!! Gazetë kjo që botues ka një ish polic të Jugosllavisë dhe e sponzorizuar nga firmat e dyshimta piramidale si Iliria Holliding që hapte dhe lente gropa në Tiranë dhe Mebatx me kapital rus!!! Me gazetar të korridoreve të Komiteteve Komunale dhe Krahinore Komuniste jugosllave. Në këtë gazetë në një faqe mund të gjesh hymne për Bajram Currin dhe në faqen tjetër lavde për vrasësit e tij, në njërën faqe Ramush Haradinajn e në faqen tjetër Tahir Zemën, në njërën faqe Ali Lajqin e në faqen tjetër Tadej Rodiqin gjykatësin etj. qudira që i gjen vetëm në Botën e çudirave!!! Apsurdet e Shefqet Jasharit nga Strofci kanë histori : ai mundohej ta korrigjoj Komandantin e brigadës 138 të UÇK-së, Rrustem Berisha dhe oficerin e lartë të UÇK-së Naim Malokun se si është zhvilluar betejat dhe lufta e Koshares, dhe këtë nga komoditeti i Zvicrës, pa e parë kurrë Kosharen dhe luftën me sy!! Në një shkrim për Ahmet Krasniqin mundohet që martesën e tij me një serbe dhe krijimin e familjes me te, ta paraqes si martesë të programuar për qështje patriotike...!! dhe në një libër të Tahir Zemës që Shefqet Jashari është si redaktorë a recenzent, mbetjen e disa ushtarve të plagosur në spitalin e UÇK-së në Prapaqan e paraqet si qëndrim i tyre vullnetar, të plagosurit jo që i kishte lënë "komandanti i FARK-ut legjendar", po kishin vendosur vullnetarisht të qëndrojn në spital dhe të presin aty gjelatët serb!!!! Shkrimi i fundit denigrues (Pse jemi kështu siç jemi? - Botuar me disa vazhdime në "Bota sot") kundër emigracionit të Kosovës, sidomos pas periudhës së vitit 1981, më duken sikur dikur shkrimet e "Tanjugut" dhe gazetës "Komunisti", ku atbotë shkruante Rrustem Rugova, i cili mundohej të sqaronte karakterin e grupeve ilegale të burgosura dhe të emigruara në Europën Perendimore - edhe ky i gjori shkruante me porosi !! Cilsimet apsurde për Lëvizjen e Projektit të Republikës së Kosovës, se ishte lëvizje e majtë, se ishte staliniste, enveriste etj. janë apsurde dhe janë gjellë tashmë e "shijuar" Jugosllave. Marrja nëpër gojë e veprimtarve si Hasan Mala, Saime Zeka, Bardhyl Mahmuti, vllëzërit Xhemaili, Ibrahim dhe Muhamet Kelmendi, Xhavit Haliti, Gafurr Elshani, Ali Ahmeti etj. dhe duke ju dhënë epitete se ishin stalinista etj !!! është më shumë se apsurd!! Të gjith të përmendurit kishin azilin politik të njohur nga shtetet më demokratike të kohës, dhe çka është njohja e azilit politik dhe fitimi i të drejtave dhe privilegjeve nga kjo, besoj se Shefqet Jashari e din fort mirë, e din fort mirë edhe për lehtësit dhe dhënjen e kushteve të mira për organizim të emigracionit shqiptar, shtypje të gazetave, librave, organizim të demostratave antijugosllave, tubimeve dhe manifestimeve të ndryshme, pikrisht këto shtete i kishin dhënë Lëvizjes së Projektit të Republikës së Kosovës (LPRK). Paramendoni atëher botuesin e gazetës "Bota Sot" polic aktiv Jugosllav, Tahir Zemën oficer të shërbimit informativ Jugosllav, Ahmet Krasniqi oficer të Armatës Popullore të Jugosllavisë e komunista të tjerë të deklaruar Jugosllav, nga ata tash Shefqet Jashari - Strofci bënë pagëzimin e dytë dhe i shëndërron në nacionalista shqiptar !!! Ka mundësi të shkruhet me qasje kritike edhe për LPK-në me adresë edhe për LPK-në pa adresë, edhe për LDK-në edhe për Komitetin për Informimin e opnjonit botror, për mundësit e një pune më të madhe dhe për bashkpunimin dhe bashkimin, por ato kritika nuk krahasohen kurrën e kurrës me të adhuruarit e Shefqet Jasharit- Strofci. Asnjëher dy LPK-t dhe Komiteti... nuk kanë qenë në pushtet në Kosovë dhe kurrë nuk kanë shkelur të drejtat e njeriut dhe të drejtat kombëtare sikur të adhuruarit e Shefqet Jasharit-Strofci. Shefqet Jasharin -Strofci nuk e pengon që këtë fushat e bën nga gazeta e një ish polici Jugosllav, se merr në mbrojtje ish oficer të APJ-së dhe ish politikan që kanë qenë antar të LKJ-së deri në nivele të Komitetit Qëndror, që në Kosovë kanë shkelur të drejtat kombëtare dhe të drejtat e njeriut në mënyrën më brutale. "Pse ranë në pritat e sigurimit jugosllav në Kosovë Afrim Zhitia, Fahri Fazliu, Regjep Mala, Nuhi Berisha etj" shtron pyetje Shefqet Jashari - Strofci, pyetje shum me vend, por kësaj pune i thonë nuk po e shoh pyllin nga drunjët, sikur të kishe jetuar në planet tjetër Shefqet Jashari, ai vet shkruan në një gazetë që e boton ish polici i jugosllavisë, është recenzent i librit të ish puntorit të shërbimit informativ jugosllav, është i rrethuar me ish komunista jugosllav që edhe me kombësi janë deklaruar si Jugosllav !!! Ai bënë një pyetje të vogël, kush i vrau këta katër dëshmorë, kur mundë të shtrohet pyetja tjetër : Vetëm gjat periudhës 1981-1989 kush i vrau 167 shqiptar për qështje politike, kush i ka plagosur 500 shqiptar për qështje po ashtu politike, kush i ka ndjekur penalisht 12 mij shqiptar për qështje politike, kush i ka trajtuar në polici mbi gjysëm milioni shqiptar, dhe në fund kush e zbatoi gjendjen e jashtzakonshme dy herë gjat kësaj perudhe në Kosovë ???!!!! Athua e din Shefqet Jashari këtë të vërtetë apo shtiret sikur nuk e din, deri ta marr pagën për shkrimin e porositur!!!! Athua e din Shefqet Jashari kush i detyroi të emigrojn në egzil shum djelmosha të rinjë nga dhuna policore jugosllave, kush e përndjeku Hasan Malën, Bardhyl Mahmutin, Saime Zekën, vllëzërit Xhemaili, Ibrahim dhe Muhamet Kelmendin, Xhavit Halitin, Gafurr Elshanin, Ali Ahmetin e mijra të tjerë ? A i shkon mendja Shefqet Jasharit - Strofci te dhembja që kanë ndier personat e përmendur dhe familjet e tyre, prej tyre ka që kanë edhe të vrarë nga familja e ngusht nga okupatori serb dhe bashkpuntorët e tyre, apo shiqon vetëm kryerjen e porosisë politike me shkrime të porositura ???!!! A mund të na bindë se qëllimi i tij është ndriqimi dhe afirmimi i të vërtetës ??!! Tjetër kund e ka hallin Shefqet Jashari-Strofci, tjetërkund e kanë hallin edhe porositësit e shkrimeve të tilla !! Kush ku po jetë në historin e Kosovës, dhe a do ta shkruaj historin LDK-ja fituesja e zgjedhjeve lokale të vitit të kaluar ? Edhe porositësit edhe autori e dinë se po të i këndohen hymne ikanakëve të politikës paqësore që krijoi një milion ikanak dhe atë produkt pastaj e shëndrroj në votë e votën në pushtet, kënga nuk u del e mirë !!! Tash po të merrte këtë detyrë Shefqeti dhe të shkruante se kush më mirë ka qajtur në Bllacë, kush më mirë i ka numruar shuplakat e serbëve para kamerave të BBC, CNN, EURONEWS etj. në ikje e sipër, në vendë se të kryenin detyrën qytetare dhe të i përgjigjeshin ligjit të luftës, të mbronin të pambrojturit, kjo nuk do të ja qitke këngën e mirë as porositësit as shkruesit me porosi!!! Dhe tash të gjendur ngusht me fitoren e materjalizuar nga projekti i tyre i ikanakëve të kampeve të Bllacës, Stankovecit, Kukësit, Çegranit etj. nuk din si të ja bëjnë!! Kanë menduar të zbulojnë medaljen "Loti në Bllacë" dhe të gjith të merituarve për këtë të i dekorojn, apo të ndërtojn ndonjë lapidar, po këtë nuk e kishin ndëgjuar dhe parë askund, heqin dorë dhe tash turr e vrap në krijimin e heronjëve, betejave dhe luftrave heroike që kanë zhvilluar fituesit e pushtetit lokal në Kosovë : LDK-ja!! Këtu është halli dhe detyra shum e rëndë e Shefqet Jasharit - Strofcit!! Kush kujt po ja vjedh meritat ? Cila ishte Guerilja e Kosovës dmth UÇK-ja dhe kush kujt po ja vjedh meritat ? A mundet dikush të besoj se Guerilja dmth UÇK-ja u formua në diasporë nga Bujar Bukoshi, Sali Çeku, Saim Tahiri, Zenun Idrizi, Tahir Zemaj, Saim Tahiri, Ismet Avdullahu etj. !!! Unë personalisht i kam njohur dhe kontaktuar Bujar Bukoshin, Sali Çekun, Saim Tahirin, Zenun Idrizin, Ismet Avdullahun (të gjith në emigracion) dhe pa dashur as të uli dhe as të ngriti veprimtarit e tyre, puna e disa prej tyre ka qenë në ndihmimin e forcave ushtarake që veq ishin të formuara dhe vepronin në Kosovë. Bujar Bukoshi si kryeministër i Kosovës në ekzil në vitin 1993 kishte shkapërderdhur "ministrin e mbrojtjes" i kishte larguar Nikë Gjeloshin, Ramush Tahirin dhe Anton Kolën. Bujar Bukoshi në qershor të vitit 1998 bënë publikimin e formimit të Ministrisë së Mbrojtjes së Kosovës në Gjermani me ministër Ahmet Krasniqi. Vetëm naivët mund të mashtrohen dhe të mos e dijn se atëher UÇK-ja kishte Shtabin e Përgjithshëm, Drejtorin Politike, dhe kishte një përbërje dhe shtrirje organizative në krejt Kosovën. Shefqet Jashari - Strofci e ka lehtë nëse don të argumentoj me fakte : UÇK-ja ka pasur strukturat e veta që i dinë e gjith Kosova, le të përmendë se cilin njisit, cilën brigadë e formuan Bujar Bukoshi, Sali Çeku, Saim Tahiri, Zenun Idrizi, Saim Tahiri, Ismet Avdullahun etj. pa nënvlersuar, por duke çmuar heroizmin e Sali Çekut dhe rënjen e tij duke hyrë në Kosovë, i cili po të kishte fatin të hynte në Kosovë pa tjetër se do të shtonte heroizmat. Është jo modeste që persona nga emigracioni, pasi kanë mundësi dhe të holla e munden të porosisin shkrime me "kutlla gruri" të përvetësojn meritat e atyre djemëve dhe vashave në Kosovë që gjithë kohën rrezistuan për lirin e Kosovës në Kosovë. Por fatkeqësisht qyrku (gëzofi) shum kujt po ja mbulon marren!! po besoj përkohësisht!! Vetëm një duhet bërë publike, jo të gjith ata që ishin në ushtrime ushtarake në Shqipëri, kryen me nder misionin e marrë, një pjesë e madhe e tyre kanë aziluar në perendim ! Nuk do të ishte problem vetëm azilimi i tyre, po qështja është se përpara organeve të shteteve që kanë kërkuar strehim, kanë deklaruar lëndën dhe kanë dekonspiruar, e kush është në rrjedhë të këtyre ngjarjeve e din se çfar dëmi është bërë me këtë dekonspirim dhe zbulim të dhjetra veprimtarve !! Këta të aziluar që tash na paraqiten si themelues të UÇK-së, as që tentuan më te kthehen në Kosovë dhe të ndihmojn luftën ! Ka qenë një përpjekje dhe është themeluar FARK-u, por i cili ka veprue vetëm në Shqipëri dhe ka pasur filiala në shtete të Perendimit!! Veprimi i FARK-ut ka qenë ilegal, pasi që ata publikisht gjithkund kanë bartur shenjat e UÇK-së !! Çka ka shkruar dhe deklaruar më parë Shefqet Jashari - Strofci ? "...Rugova dhe Bukoshi ndajnë bashkëfajsin me çetnikët e Beogradit….." "....Nada Milosevic dhe Nenad Nikic ndihmojn LDK-në...." Revista "Drita" Nr.13.1997, Suedi Titulli "Veprimtaria e partive tona politike" "Deklarata e Rakigjis së fortë në kafen "Partia mbi të gjitha" në Prishtinë se Pavarsia e Kosovës u sigurua në saje të punës së pakursyer të magjistarëve dhe fallqorve më në zë të Kosovës dhe të botës, krijoi habi dhe kaos në antarsin e partisë tonë më të madhe." ……." Këshilltari për informata Kalemgjia më besnik i Gjyqit të Qarkut të Prishtinës, që nga viti 1981-1988 nëhallëligu (Xhemail Mustafa) ceku se Deklarata e Rakigjis së fort (Ibrahim Rugova) i pushtoi të gjitha agjensit e lajmeve në të katër anët e botës."!!! Më tutje …. "Nëhallëligu jep edhe një informatë interesante, ai tha se shtypi i Beogradit e veçmas "Nasa Borba" i njoftoi lexuesit duke shprehur se Nada Milosevic nga Zajecari dhe Nenad Nikic nga Leskovci gjenden dikun në Kosovë dhe punojn për interesa të Partisë më të madhe shqiptare."!!!! Revista "Drita" Nr.25.1999, Suedi Titulli : "Pse po pengohet kompletimi i Qeveris së Kosovës" "Me daljen në skenën politike të Unionit të Pavarur Studentor dhe të UÇK-së, shqiptarët e mundën frkën që ishte krijuar me politikën shtatvjeqare të LDK-së "shtrije qafën e mos bëzaj", por prishën edhe status quon në Kosovë-" ……. " Subjektet tona politike dhe shtetrore, e në veçanti Qeveria e Bukoshit, në vend se t`i bashkojn veprimet dhe qendrimet për ta forcuar me kuadro dhe me armatime të rënda atë, vazhduan me politikën e tyre shtatvjeçare " dikush thumbit dikush patkoit" thuajse asgjë nuk po ndodhë edhe pse Kosova po digjej flakë"!!!… "Marrëzit e liderëve shqiptar me në krye Rugovën e Bukoshin sërish po nxjerrin kokën. Ende po e luajn lojën e djallit të mallkuar, duke bërë luftë për pushtet dhe pozita udhëheqëse pa e krijuar shtetin."…."Ata duhet ta dijnë (Rugova dhe Bukoshi) se ndajnë bashkëfajsin me çetnikët e Beogradit….."!!! ……"Veprimet e tilla me siguri do t`i sjellin kob, mjerim,vaj dhe varre të reja Kosovës, ndërsa atyre vetëm turpin dhe mallkimin."!!!….."Për fat të mirë UÇK-ja është bërë ajo lokomotiva pas së cilës po ecën e gjith Kosova." duke përfunduar "Të shpresojm se tani e tutje këtë lojë të rrezikshme nuk do të guxojn ta luajn ata që me shtat vite luajtën në kurriz të kombit tonë të shumvuajtur."( Shefqet Jashari-Strofci)

Revista "Drita" Nr.17.1997 Suedi

Poezi e Shefqet Jasharit - Strofci

Këto janë vetëm një pjesë e shkrimeve të Shefqet Jasharit - Strofci të botuara në revistën " Drita ". Problemi që tash na paraqitet te Shefqet Jashari - Strofci është konsekuenca dhe besueshmëria, ai mund të bëjë sallto të tilla që mund të lexohen vetëm në Botën e qudirave !! Kjo shihet me ndryshime sikur stinët e vitit, kur LDK-ja dhe Ibrahim Rugova ishte në krizë morale edhe materjale, Shefqt Jashari - Strofci i sulmon dhe në një moment shprehet " Ata duhet ta dijnë (Rugova dhe Bukoshi) se ndajnë bashkëfajsin me çetnikët e Beogradit….. "!!! në periudhën e pasluftës kur LDK-ja merr pushtetin lokal në Kosovë, ai kthen gëzofin dhe ju thur bejte e lavdata, kjo pastaj shton bindjen se shkrimet e tij janë shkrime të porositura dhe të shkruara ndoshta edhe nga tjetërkush, po ky vetëm vënë firmën për autorsin e tyre !!! Është një e vërtetë që duhet potencuat ; vet Shefqet Jashari - Strofci është viktimë e stalinizmit jugosllav dhe i policis kuislinge të Kosovës, te e cila sot është strehuar dhe në gazetë të tyre e ndien veten mirë dhe shkruan !!! Për këtë është një fjalë e popullit që thot : "Mos të mujt syri i ujkut", ujku kur sulmon dhe bjen në kope, me syt e tij hipnotizon viktimën e tij dhe e detyron gjahun të i shkoj pas !! Kjo si duket e ka zënë edhe Shefqet Jasharin nga Strofci dhe vështirë të shërohet nga syri i ujkut !! Për të vërtetuar këtë po citojm se çka thot ai për " shokun " Josip Broz Tito që ishte Kryetar partie dhe shteti që e kishin ndjekur e persekutuar ate dhe gjith popullin e Kosovës. "Drita" nr 15- 1997, Suedi "Këto të drejta i arriti populli ynë, në saje të politikanit dhe strategut të zgjuar të popujve jugosllav, Titos, i cili shikonte më larg dhe më mirë se të gjithë bashkëkohësit e tij në udhëheqjen e atëhershme jugosllave."!!! Në vazhdim do të shohim se cili ishte qëndrimi i Shefqet Jasharit-Strofci rreth kërkesës për Republikën e Kosovës, në po të njejtin shkrim në revistën " Drita " : "Shprehnim frikën që poqese Kosova do të bëhet Republikë, do të krijohej një shtresë e priviligjuar nga radhët e shqipëtarve që do ta luftonte bashkimin kombëtar."!!! Ndërsa se sa ishte komunist vet Shefqet Jashari - Strofci, e potencon vet në po të njejtin shkrim për "kontributin" e tij në demostratat e vitit 1968 : "Sabri Novosellës ja dhash këngën e Internacionales Komuniste. Kjo këngë do të duhej të këndohej në demostratë. E pata titulluar Poshtë padronët e padrejtësia:" !!! Se çka ju dashke demostruesve të 1968 internacionalja komuniste, Shefqeti nuk e sqaron, vetëm një dihet që ajo këngë këndohej në sallat e Komitetit Qëndror të Lidhjes së Komunistave të Jugosllavisë dhe partive simotra të sajë!!! Pas këtyre fjalëve dyshimi për Republikën e Kosovës, pas këtij admirimi për "shokun Tito", pas tentimit që demostruesve të 1968 të ua mësoj këngën e Internacionales komuniste, pas deklarimit "...Rugova dhe Bukoshi ndajnë bashkëfajsin me çetnikët e Beogradit….." dhe "....Nada Milosevic dhe Nenad Nikic ndihmojn LDK-në....", pastaj rrotullimi në 360 shkallë dhe mitizimi ityre, nuk është e çuditshme që gjithçka të ndëgjohet dhe lexohet nga ai !! Po a mund të i besohet, dhe të kuptohet se është në rrjedhat e zhvillimeve tona kombëtare në Kosovë dhe më gjërë. Çka të themi pas kësaj ? A e meriton Shefqet Jashari nga Strofci të dëgjohet më tutje dhe të bashkëbisedohet me te ? A e meriton më të sqarohet dhe të polemizohet me qëndrimet e tij ? Nga ana humanitare po, kurse nga ana publicistike, politike dhe historike jo!!

LARTË