Shefqet Cakiqi

Historiku i Përfaqësisë në Tiranë: Përfaqësia e Kosovës në Tiranë u hap me vendim të Kryesisë së LDK-së , si Zyrë e LDK-së, ndërsa shef i sajë u caktua Ali Aliu, pas disa mospajtimeve në relacionin me Qeverin, Ali Aliu në vjeshtën e vitit 1992 u tërhoq nga kjo detyrë. Më pastaj punën e tij gati tre muaj me radhë e kryente ish shoferi i tij, Zymer Berisha, ndërkohë Kryesia e LDK-së vendosë Mehmet Krajën tash si shef të Qendrës së Informimit të Kosovës dhe kishte për detyrë të punonte edhe për daljen dhe botimin e "Rilindja" në Tiranë. Pas suksesit me "Rilindjen" Bujar Bukoshi tash rrit kompetencat e Mehmet Krajës dhe tash atë e emron shef të Përfaqësisë por tani të Qeverisë së Kosovës.

Emrohet përfaqësues i kosovës në Tiranë pa vendim me shkrim

Mehmet Kraja pas një pune mbi njëvjeçare në Përfaqësi lëshon detyrën dhe kthehet në Kosovë, në këtë situatë punën në përfaqësi e vazhdon Skender Zogaj gazetar i "Rilindjes". Pas blerjes së godinës së ish-ambasadës së Koresë, Qeveria Bukoshi emron Skender Zogajn shef të Përfaqësisë por pa i lëshuar vendim me shkrim për këtë. Në periudhën e burgosjeve të ish Ministris së Mbrojtjes dhe Ministris së Brendëshme, grupit të Hajzer Hajzerajt dhe grupit të Avdija Mehmedoviqit, nga Kosova arratisen Anton Kolaj dhe Rexhep Gjergji të cilët atbotë akuzoheshin si ministra të ministrive gjegjëse. Anton Kolaj për arsye familjare nuk pat pranuar të zgjedhet zëvendës i Kryeministrit (Bukoshit) kur u zgjodh Qeveria e Kosovës në tetor të vitit 1991, dhe tash pasi arratisjes nga Kosova dhe pasi nuk kishte mundësi të kthehet në Kosovë kishte pretendime të hapta të vendosej si shef i Përfaqësisë në Tiranë për çka Ibrahim Rugova emron dhe i lëshon vendimin me shkrim që Anton Kolaj të emrohet shef i Përfaqësis së Kosovës, derisa një aktvendim të tillë nuk e kishte Skender Zogaj. Këtu edhe plas sherri në mes kalneve që kishin dyshime dhe rezerve reciproke. Të gjitha dyshimet lidheshin me dekonspirimin e dy Ministrive dhe burgosjen e qindra personave në lidhje me ato veprime.

Kush dekonspiroi dhe cilët ishin provokatorët ?

Zbulimi i dokumentacionit dhe të një Videokasete që dekonspironte Anton Kolën, Rexhep Gjergjin, Ali Aliun dhe Mehmet Krajën shtynë Kryesin e LDK-së që të burgosurit për këtë qështje të i akuzoi për agjent dhe provokator, sepse ata me deklaratat e tyre paskan dashur të njollosin njerzit e Kryetarit Rugova dhe me këtë të kompromitonin politikën paqësore. Në atë kohë patën shkruar edhe gazetat serbe sidomos "Borba" duke i shpallur organizator të ushtrisë së Kosovës Ali Aliun, Regjep Gjergjin dhe Mehmet Krajën. Këtu diçka nuk përputhej, deri sa në polici ishin të dekonspiruar dhe për këtë shkruante edhe shtypi i Beogradit, personat e lartpërmendur shetitnin të lirë në Maqedoni dhe Kosovë-Shqipëri !!! Këta të fundit gjithherë duke u mbrojtur se janë viktim e "provokatorve" të cilët dëshirojn të kompromitojn politikën paqësore të kryetarit të tyre Ibrahim Rugova. Në rastin konkret u mbetet vet protagonistëve dhe të implikuarve të dëshmojn se vërtet a ishin "provokator" siq thuhej në Kryesin e LDK-së apo vërtet kishin menduar në luftën çlirimtare për çlirimin e Kosovës.

Dyfëtyrësia e Rugovës dhe Bukoshit

Deklaratë e Skender Zogajt pas "puçit" të "paramilitarve" në Përfaqësin e Kosovës në Tiranë me 27.06.1994. "Sa i përket asaj që ka ndodhur rreth Përfaqësisë, e theksoi edhe njkëherë se Rugova dhe Bukoshi nuk kanë arritur të merren vesh për punën e Përfaqësisë një javë para se të ndodhte puçi. Për këtë arsye edhe pas takimit të tyre të fundit në Tiranë, ku është diskutuar ky problem që të dy më kanë thënë të vazhdoi të qëndroj në Përfaqësi duke manifestuar dyfëtyrësi të pashembullt. Ky qëndrim, me keqardhje më duhet të them, është i pashembullt: veçanërisht më habit qëndrimi i Rugovës, që personit tjetër t`ia nënshkruaj vendimin për ardhje në Përfaqësi (tre muaj më parë); kurse mua nuk e sheh të arsyeshme të më bëjë me dije që t`ia liroj vendin të emruarit të ri ( me Rugovën kam ndejur 6 orë para largimit të tij nga Tirana). Bukoshi nga ana tjetër, i paknaqur me vendimin e Rugovës dhe duke mos qenë në gjendje ta zgjidhë problemin me të, kërkon prej meje që edhe më tutje të qëndroj në Përfaqësi. Ndërkohë, dy ditë pas largimit të Rugovës dhe Bukoshit nga Shqipëria, Anton Kolaj vjen në Përfaqësi, më ofron vendimin e nënshkruar nga Rugova dhe më thot që t`ia dorzoi detyrën dhe të largohem nga Përfaqësia. Unë nuk mundë të bëja asgjë tjetër, përveç që përsëri ta informoja Rugovën dhe Bukoshin. Përsëri e njejta përgjigjje : Rugova nuk thot t`ia dorzoi detyrën A. Kolajt, kurse Bukoshi më dërgon një shkresë në të cilën thuhet se pranim-dorzimi i detyrës nuk mund të bëhet pa Komisionin e caktuar nga organi kompetent. Këtë urdhëres të Kryeministrit, A.Kolaj nuk e merr fare në konsiderat dhe me 27 qershor 1994, me një grup prej pesëmbdhjetë vetash, hyn në Përfaqësi dhe me dhunë më nxjerrë nga përfaqësia mua dhe bashkëpuntorët e mi, Kadri Balajn dhe Ibrahim Sylaj, deputet të Parlamentit të Kosovës, si dhe personelin teknik, rojat dhe puntorët e tjerë të Përfaqësisë, pas mbajtjes në gjendje kidnapimi plot 10 orë në lokalet e Përfaqësisë.

Puçi i paramilitarve nga Kosova

Hyrjen e Anton Kolajt me dhunë në Përfaqësi e konsideroi puç të forcave paramilitare, të cilat nuk është në gjendje t`i kontrolloj as Rugova as Bukoshi dhe të cilat i kërcnohen edhe njërit edhe tjetrit. Se është kështu e pohoi vet Anton Kolaj nëpërmjet të bisedës telefonike me Edita Tahirin, në prezencën time me rastin e puçit, me datë 27. 06. 1994 të cilës i tha: "Dëgjo Edita; Sot në ora 11 e kam marrë zyrën e Përfaqësisë dhe jam përgjegjës i plotfuqishëm. Tregoi Kryesisë dhe kryetarit se unë sot e kam filluar me shpejtësinë e parë, nesër e shkeli shpejtësin e dytë, rikuerci nuk më punon fare, ndërsa shenjat e komunikacionit nuk më hyjnë në punë. Do të shkoj deri në fund dhe nuk ka kush që më ndalon. Bisedoni me shokët dhe mendoni mirë se çfar po bëni. Le të dijnë mirë, tregoju, se më nuk ka lojë".

Njerzit e dyshimt rreth Anton Kolajt

Sa i përket Anton Kolajt , haptas më duhet të them se e ardhjen e tij në Tiranë e konsideroj dështim të rëndë të politikës së Rugovës, i cili kërkon dhe gjen mbështetje te njeriu që bënë veprime të dyshimta. Është e vërtetë se unë me Anton Kolajn e kam pasë një konflikt të mëhershëm sepse ia kam bërë me dije se njerzit me të cilët ka bërë organizime, veçanërisht disa prej tyre që i kam njohur nga afër i konsideroj të dyshimt. As sot e kësaj dite nuk heqi dorë dhe pohoi se dështimet tona të njëpasnjëshme, e në veqanti për burgosjen e një mori njerzish, përgjegjësin e bartin drejtpërsëdrejti njerzit e këtij grupi (Anton Kolajt). Me këtë nuk e kam ndërmend të akuzoj, por të mbrohem nga implikimet që janë rezultat i një veprimi të koordinuar për shkatrrimin e bërthamës organizative dhe politike të LDK-së dhe të lëvizjes kombëtarenë Kosovë." "Koha" 10 gusht 1994

LARTË