Shefqet Cakiqi

Shefqet Cakiqi, ish antar i Kryesisë së Degës së LDK-së në Zvicër, ish antar i Kuvendit të Degës së LDK-së në Zvicër Kthej Librezën e antarësisë së LDK-së dhe distancohem nga veprimet e kreut të Lidhjes Demokratike të Kosovës Kryesisë së Lidhjes Demokratike të Kosovës Në vazhdën e veprimeve që bien ndesh edhe me vet programin dhe statutin e LDK-së dhe me normat e çdo shoqërie të civilizuar dhe demokratike, është kërkesa e Ibrahim Rugovës kryetar aktual i LDK-së për kthimin e ish policëve në Shërbimin e sotëm Policor të Kosovës e bërë me 19 janar 2001 në Akademin Policore të Kosovës në Vushtrri. Kjo nuk është një kërkesë e shtyrë nga ndjenja e humanitetit por është një kërkesë politike për rehabilitimin e një politike dhe një periudhe që në Kosovë në mënyrë sistematike ka shkelur të drejtat kombëtare dhe ato njerzore. "Ish Policia e Kosovës" nuk ishte e Kosovës por e Republikës Socialiste Federative të Jugosllavisë, sepse zbatonte ligjet dhe mbronte Kushtetutën e RSFJ-së!! Po të ishte çështje humaniteti dhe progresi për shoqërin Kosovare, Ibrahim Rugova do të duhej të ishte interesuar për minatorët e minjerave të Kosovës, për puntorët e kombinatit ndërtimor "Ramiz Sadiku" e qindra ndërmarrje dhe fabrika, puntorët e të cilave me dhunë janë largura nga puna. Do të ishte humane interesimi për mjetet e tyre të punës, dhe për pensionistët e Kosovës. Edhe kjo kërkesë dhe angazhim i fundit i Ibrahim Rugovës është në vazhdën e vendimeve dhe sjelljejeve nga mentaliteti monarkist. Nuk e kam të qartë a është kjo edhe një kërkesë e LDK-së apo një kërkesë e tij private ??!! Kërkesa për kthimin e "ish policisë së Kosovës" në Shërbimin e sotëm të Kosovës është kërkesë që gërvishë dhe lëndon shumë plagë që akoma janë të freskëta. Të bësh një kërkesë të tillë dhe të mos kujtosh se vetëm në periudhën 1981-1989 ajo polici në Kosovë ka zbatuar dy herë gjendjen e jashtëzakonshme dhe ka marrë pjesë direkte në shuarjen e përgjakshme të disa demostratave të popullit të Kosovës, të injorosh se në atë periudhë jan vrarë 167 persona nga ajo polici, se janë plagosur mbi 500 persona se janë burgosur dhe ndjekur penalisht nga ajo polici 12 mijë persona, se kanë kaluar nëpër duar të policisë 500 mijë persona, fakte këto të konfirmuara edhe nga vet ish kreu i "ish policisë së Kosovës" për mua si antar i LDK-së nuk ka mundur të kaloj pa u kundërshtuar dhe pa u distancuar publikisht nga veprimi i tillë i kreut të LDK-së. A është dashur që për hirë të pajtimit së paku një kërkim falje 167 familjeve që pjestar të tyre janë vrarë nga ajo polici, të 500 të plagosurve, të 12 mijë të përndjekurve penalisht ? Një kërkim falje nga ekzekutorët e tyre si ish policia ish gjykatësit ish prokurorët ish struktuarat politike me gjith gazetarët e asaj kohe që kan zbatuar Platformën Politike për Kosovën nga ana e Lidhjes së Komunistëve të Jugosllavisë e zbatuar nga viti 1981 deri në shtator të vitit 1990 !!!! Në të gjitha shtetet e ish sistemit komunist në periudhën e tranzicionit nuk është zbatuar një praktikë e tillë që ish zbatuaesit-përkrahësit e shkeljes së të drejtave të njeriut të rehabilitohen pa kërkur të faluri , së paku!!! Kur në vitin 1990 një pjesë e intelektualve dhe "intelektualve" u bashkuat në projektin politik për Republikën e Pavarur të Kosovës, për liri, demokraci dhe pavarsi, kurr nuk më ka shkuar mendja se do të vij një ditë dhe do të bëni kërkesë publike të rehabilitoni ish policët, ish gjykatësit, ish prokurorët dhe ish strukturat politike të periudhës 1981-1989, të periudhës ndër më të errëtat e okupimit dhe gjendjes së jashtëzakonshme në Kosovë. Nuk kemi si të nënkuptojm sot atë hyrjen tuaj nga LKJ-ja, pos si një hyrje për të marrë kalanë nga brenda dhe për krijimin e mekanizmave për larjen e mëkateve të mëkatarve komunist-kolaboracionist!!! Zotni Ibrahim Rugova e kuptoj kompleksin tuaj të mungesës suaj të disidencës ndaj shtypsit tonë, por ama të kërkosh edhe rehabilitimin e tyre edhe pa vrarjen më të vogël të ndërgjegjjes dhe pa u kërkuar falje viktimave nuk mund të ju kuptoj !!! Thirrja në "profesionalizëm" është një apsurd, të krenohesh se "kishim" një polici e cila dy herë zbatoj gjendjen e jashtzakonshme dhe për decenje ruante "rendin dhe qetësin" kur në krejt botën dihet se në atë periudhë në Kosovë shkileshin në mënyrën më brutale të drejtat e njeriut dhe të drejtat kombëtare, zotni Ibrahim Rugova kjo nuk është një lapsus politik ose padije!!! Ti mund të thuash se e ke 58 % elektorat të 80% të popullsisë së Kosovës dhe ke të drejtë të sillesh si monark, po kjo nuk ka vlerë se ajo përqindje nuk është as gjysma e popullsisë së Kosovës. Kur kihet parasysh politika juaj defetiste e mos rrezistencës por ikjes - ajo votë e asaj shumice që iku dhe nuk u interesua as për shtet, as për komunë, as për fshat, as për pasuri personale e në ca raste as as për familje, nuk të bënë nderë as ty dhe askujt tjetër kush do ta kishte mbështetjen e një shumice të tillë!!!! Mos mendo se me kthimin e ish policve, ish gjykatësve - prokurorve dhe ish strukturave politike-propagandistike të ish RSFJ-së do të ktheni edhe fuqin e tyre. Ata nuk do të kenë mundësin që të vrasin 167 persona, të plagosin mbi 500 persona, të burgosin dhe ndjekin penalisht 12 mijë persona, të trajtojnë 500 mijë persona, për arsye se sistemi komunist është tejkaluar dhe RSFJ-ja më as në ëndërr nuk do të na paraqitet!!! Ky shqetsim nuk është nga arsyeja pse një pjesë e veprimtarve të pavarsimit të Kosovës kanë qenë të trajtuar nga ata dhe tash kemi frikë nga ata dhe forca e tyre (sepse ata jan një corpus i njerzve pa personalitet dhe servil- sepse të tillë i duheshin Serbis) po ky veprim është një gërvishje në plagët e familjeve të të vrarëve, të plagosurve, të dënuarve, diferencuarve, leqiturve nga ato struktura policore-gjyqësore dhe politike. Seewen 21.01.2001

LARTË