Shefqet Cakiqi

Në zhargonin dhe fjalorin politik të fushatës parazgjedhore të politikanve të Kosovës është më aktuali termi "fer" ose "ferplei". I abuzuar nga fjalori sportiv për gara të pastra duke respektuar rregullat e lojës. Dhe vërtetë nuk ka se si, politika don respektimin e rregullave të lojës dhe ndershmëri. Po është një dallim, derisa në sport nuk shiqohet shum pikpamja, ideja, mendimi dhe veprimi intelektual i sportistit po më shum realizimi fizik i shkathtësive, bukuria dhe harmonia e lojës, "feri" në politik, apo respektimi i rregullave të lojës, kërkon jo vetëm shkëlqimin fizik të formës dhe gjendjen e fort aktuale fizike, po mbi të gjitha duhet të jetë vlera e pikpamjeve, ideve dhe veprimeve intelektuale që lidhen me politikën e Kosovës dhe për Kosovën. Politika e Kosovës dhe për Kosovën i ngjan një maraotne të papërfunduar, sepse si maraton e përfunduar do të llogaritej arritja e synimeve politike të shqiptarve në krijimin e shtetit të Kosovës; parlamentit dhe institucioneve tjera shtetrore të saj dhe integrimit të Kosovës në rrjedhat Europiane dhe botërore. Kosova e gjendur në rrethana robërie e ka historikun e vet, edhe të veprimit politk për tejkalimin e robëris, në këtë kontekst edhe protagonistët e sajë. I ka edhe ata që kan qenë indiferent, edhe ata që kanë dezertuar po edhe ata që kanë kolaboruar me robëruesin e Kosovë ! Këtu Kosova nuk përbën një ekzemplar të veqant, po e provuar dhe e përjetuar edhe nga shtete e kombe tjera në rrugtimin e tyre drejt lirisë dhe pavarsisë. Dhe pikrisht në këtë rrugtim të veprimtarive intelektuale politike-ushtarake për lirinë, pavarsinë dhe demokracinë e Kosovës, duhet të respektohet "ferplei" në politikën Kosovare. Është apsurde që njerzve me përvojë "politike" në Lidhjen e Komunistave të Jugosllavisë të u njihet si përvojë politike veprimtaria në kuadër të asaj partie dhe si rezultat ata të cilësohen si profesionist në politikë ! Përvojën e tyre "politike" qëllimisht futa në thonjëza për të tërhequr vrejtjen se veprimtaria e tyre politike nuk ka qenë politikë e mirfillt që ka aspiruar synimet e qytetarve të Kosovës, por ka qenë politikë Jugosllave që në programin dhe synimin e tyre nuk ka pasur asgjë të mirë dhe progresive për qytetarët e Kosovës dhe për shqiptarët në përgjithësi. Mendimi politik i shqiptarve të Kosovës ka qenë jasht kornizave të programit politik të Lidhjes së Komunistëve të Jugosllavisë. Disidenca politike, apo politika që ka pasur synime realizimin e synimeve të mirfillta të qytetarve të Kosovës dhe të gjith shqiptarve në ish Jugosllavi ka kontinutetin e saj të pandalshëm, ashtu siç e ka edhe shtresën indiferentëve ose oportunistve deri te frenuesit dhe denoncuesit e politikës së pavarur të Kosovës. Nëse "veprimtari politik" i Kosovës e ka "kursyer" veten me mospjesmarrje dhe mosangazhim në proceset politike të Kosovës nga `45- `68 -`81 - `90 dhe sidomos `97- `99, dhe në ditët s sotme me një "top formë" si fizike ashtu edhe materjale, sepse nuk e ka ndier fare pasojën e sakrificës dhe angazhimit politik, të burgosjes politike, diferencimit politik, leqitjes, ekzilit dhe së fundit edhe shkatrrimit të pasurisë së patundëshme, ai me këto favore vërtetë do ta fitoj maratonën politike të Kosovës. Mirëpo kjo i ngjan hyrjes në garë në njëmijë metërshin e fundit dhe aspak nuk është "fer" e ndershme dhe respektim i rregullave të lojës. Kjo kategori e politikanve të Kosovës, problemin e Kosovës fillon ta akceptoi me ditën kur ai është rrezikuar drejtpërdrejt nga robëria ose me ditën kur "lindi partia" e tij. Nuk i kontestohet dëshira dhe vullneti i secilit që kur të do ai të angazhohet politiksht dhe të marrë pjesë në garën politike, sepse tash ka mundësi, por duhet të i kontestohet atij që në të gjitha proceset politike të Kosovës nuk ka marrë pjesë në to, por përkundrazi i ka penguar ato dhe ka kolaboruar me robëruesin. Për ilustrim do përmendur ca raste trasparente psh. ish Gjykatësi i Gjykatës Supreme të Kosovës T.R. është nënkryetar i një partie që veten e konsideron favorite në zgjedhjet nacionale të Kosovës, rasti tjetër; ish polici i policisë politike të ish-Jugosllavisë (Sigurimi Shtetror) U.K. është i paraqitur dhe fatkeqësisht edhe i pranuar në Shërbimin Policor të Kosovës të drejtuar nga UNMIK-u !! Këto janë dy raste transparente, po fatkeqësisht ka edhe të tjera, kësaj radhe të përmendur me iniciale për shkak të natyrës së shkrimit. Në të gjitha shtetet e ish vendeve socialiste pas demokratizimit të tyre në revolucionet e tyre të vonuara dhe të pavonuara, personave që kanë qenë të implikuar në zbatimin e diktaturës dhe shkeljes së të drejtave të njeriut, nuk ju ka lejuar përsëritja e recidiveve, bile ndaj një pjese të tyre është ndërrmarë edhe procedur gjyqësore, shembulli i Egon Krenzit të Gjermanis lindore etj. Në Kosovë fatkeqësisht po bëhet dukuri që pikrisht kjo kategori e "politikanve" profesionist të vij në pushtet pa zgjedhur mjete. Kjo rrezikon stabilitetin politik të Kosovës. Cili është raporti i ndikimit të faktorit ekonomik në zvillimet politike Njerzit që kanë qenë aktiv në procesin politik për lirin e Kosovës, janë të dërmuar si ekonomikisht ashtu edhe pa infrastruktur politike-propagandistike, që do të mundë ta finalizonte frytin e angazhimit të tyre dhe të gjeneratës së tyre ! Ndërsa personat nga ish nomenklatura komuniste e Kosovës me mjeshtëri po përdorë edhe mjetet edhe "përvojën" e akumuluar nga periudha e kolaborimit ose indiferentizmit total ndaj robërisë dhe me ish strukturat e policis së Kosovës dhe me ish strukturat e politikës së LKJ-së dhe LSPJ-së paturpësisht synon drejtimin e Kosovës. E gjithë pjesa e strukrurës politike e ish nomenklaturës politike-ekonomike dhe propagandistike e periudhës së totalitarizmit janë të parët që shfrytëzuan favoret e ekonomis së trgut, duke krijuar biznese të vogla prodhimi dhe tregtie që dominonte mbi shoqërin Kosovare. Kjo nomenklatur duke përfituar edhe nga lidhjet politike gjatë periudhës "pushtetore" edhe monopolizonte të gjitha lidhjet tregtare me Maqedonin, Malin e Zi dhe Serbin, po edhe me strukturat e biznisit Kosovar në diasporë. Nëse edhe në rastin e Kosovës vlen ajo formula se ekonomia përcakton superstrukturën, ish nomenklatura komuniste dhe kolaboracioniste është shum afër forcimit politik dhe rivendosjes së pushtetit në Kosovë. "Po ta lëmë të kaluarën dhe të merremi me të ardhmen", është një refren i personave që duke shkelur "ferplein" e politikës Kosovare dëshirojn që përsëri të vijnë në pushtet pa zgjedhur mjete. Kjo për politikën Kosovare do të ishte sikur lavirja ose laviri pas një veprimtarie prostitucioni në Beograd vjen në Kosovë dhe vashave dhe djemve të Kosovës ju rrëfen leksione për ndershmëri dhe moral dhe ju thot: djelmosha ka disa rregulla demokratike …. ta lëmë të kaluarën dhe të merremi me të ardhmen !!! dhe menjëherë nëse ua përkujton se ato rregulla janë të kohës së tejkaluar dhe rregulla comuniste, nga ata vjen arsyetimi ; "po ja rrethanat kanë qenë të tilla, kushtet e vështira", "ka qen e vetmja mënyrë e mbijetesës" !! etj. Në rregull, po predikues të moralit dhe ndershmëris nuk është e udhës të tillët - prostitucioni të kamuflohet dhe të shitet si vlerë !!! Edhe në politikën e Kosovës dhe në sigurin e saj, nuk kanë pse të pretendojn të tillët. Në mjekësi predikohet që personi që ka hubur gjymtyrën ose që ka sëmundjen e sidës, të pranoj realitetin dhe të mos pretendoi për gjëra që nuk mundë të arrihen, të tillët nuk mund të marrin pjesë në Olimpiada sportive !!! Nga kjo dëshiroj të mos keqkuptohem se jam për karantin të veçant për ish nomenklaturën komuniste-kolaboracioniste, ashtu siç kanë bërë ata gjat sundimit të tyre, por është plotësisht normale moslejimi i përsëritjes së recidiveve të shkeljeve të drejtave të njeriut dhe të drejtave kombëtare. Është edhe një refren tjetër që perdoret, se është "vota e shumicës së popullit" ajo që vendos dhe do të jap të drejtën se kush do të qeverisë vendin. Në rastet e të gjitha shteteve postkolonialiste dhe postprotektoriale, është dëshmuar se nuk është shumica e popullit ajo që ju ka prirë proceseve antikoloniale dhe çlirimtare. Në të shumtën e rasteve në këso periudhash tranzicioni, në pushtet vijn të moderuarit apo oportunistët. Nga vet fakti se gjendja ekonomike e kësaj shtrese dhe "përvoja" e krijuar në strukturat e mëparshme të pushtetit i bëjnë ata që në start favorit. Dhe kjo vjen pikrisht nga çrregullimi i sistemit të vlerave morale, politike dhe filozofike. Dhe nuk është çudi se pikrisht kjo gjendje e krizës së vlerave të vazhdoi edhe për një kohë edhe në Kosovë. Nuk është shumica ajo që do të duhej të tipizonte vlerat e krenarisë dhe qeverisjes kombëtare !!!! Kombin dhe shtetin nuk e formon "shumica" turma, kombi dhe shteti nuk formohet prej atyre që në një periudhë kanë qenë të deklaruar si jugosllav, që kanë propaganduar patriotizmin jugosllav ! Kombin dhe shtetin e formojn ata që janë në gjendje të sakrifikojn për bërjen e tyre, janë ajo palca kombëtare që asnjëher nuk është tjetërsuar. Jo të gjithë banorët në Kosovë e kanë mbrojtur nderin të jenë shqiptar, Kosova ka shum qytetar që duhen ende të ndërgjegjësohen kombtarisht dhe të mbrojn nderin dhe përkatësin kombëtare me të gjitha mjetet ! Te të gjitha kombet dhe shtetet në formim ka qenë ajo bërthama e fortë e patjetërsueshme që ka rrezistuar, që ka formuar kombin dhe shtetin, që i ka dhënë emër problemit që duhet zgjedhur, nuk kanë qenë turma, masa që e ka formuar kombin dhe shtetin. Ndikimi i fakrorit "x" i Kosovës : inati Në të gjitha vështrimet për politikën dhe rreth politikës së Kosovës në publicistikën tonë Kosovare po edhe në përgjithësi shqiptare i mungon deshifrimi i elementit ose faktorit të panjohur, po e quaj "x" faktori i Kosovës, e ai është inati !!! Është ky një faktorë që ka determinuar shumë procese në politikën Kosovare, që ka lënë dhe vazhdon të krijoj pasoja. Dhe pikrisht në vështrimet e ndryshme krahasuese sociologjike, politike dhe ekonomike për zhvillimet politike në shoqërin Kosovare ka qaluar dhe qalon nga mosnjehsimi i ndikimit të faktorit "x" të Kosovës inatit. Politika nuk përceptohet edhe si shkencë që ka zbulimet dhe zhvillimet e saja me një dinamik të njohjes dhe rinjohjes së fenomeneve politike dhe shoqërore. Veprimtaria politike e "veprimtarve politik" vazhdon me atë këmbngulësin e tifozit të ekipit të futbollit, se edhe nëse eliminohet prej lige, simpatizoj ekipin tim !! Kjo filozofi niset nga teza se ekziston vetëm ai proces në të cilin marr pjesë unë !! Faktet që nuk i njohë dhe nuk i di, nënkuptoj nuk ekzistojn ose janë armiqësore !! "X" faktori i Kosovës është i paparashikuar dhe nuk përfillë ato ligjet sociologjike në formimin e shtresave politike që krijohen dhe dallohen në zhvillimet shoqërore !! "X" faktori në Kosovë bashkon edhe të pabashkuarën, në shum raste viktimën dhe gjelatin !!! Kosova ka procesin aktiv të zhvillimit të politikës për pavarsin dhe krijimin e identitetit të vet kombëtar dhe shtetror. Pjesa e moderuar ose oportune e politikës Kosovare nuk ka marrë pjesë aktive në te. Në shum procese ajo edhe ka luajtur rol negativ ose frenues. Psh. lider i partisë politike (i vetquajtur sot kombëtar) i pa përfshirë në këto procese ka në biografi edhe veprim konkrete në nënshkrimin dhe aneksimin e Kosovës nga Serbia (korrik 1945) rasti i M.K. dhe nënkryetar ka ish gjykatsin e gjykatës supreme të Kosovës të viteve `80 kur ndaj mbi 12 mij shqiptarve janë shqiptuar denime politike, lideri tjetër është drejtpërdrejt nga struktura politike e ish Komitetit Komunist për Kosovën që vetëm në periudhën 1980-1990 ka zbatuar politikë shtypëse me zbatim dhe arsyetim politik të dy gjendjeve të jashtzakonshme në Kosovë. U përmendën vetëm liderët pa hyrë në kryesit dhe strukturën organizative që është e përmbushur me element të tillë. Të gjithë këta i rëndon në ndërgjegjjen e tyre kryerja e veprimeve që për rrethanat e sotme janë të pa akceptueshme. Platforma Politike për Kosovën, dokument ky i KQ të LKJ është ndër elaboratet që më së shumti i kompromiton. Mbështetja e postulateve në atë Platformë për kundërrevolucionin në Kosovë i bënë ata denigruesit e proceseve më të rëndësishme politike për pavarsimin e Kosovës. Ja ky është "ferplei" i politikës Kosovare, ata që hyjn në martonë në njëmijmetërshin e fundit janë favorit të fitojn, gjithherë nëse ju lejohet dhe ju pranohet nga rregullat e lojës.

LARTË